រក្សាសុវត្ថិភាពកុមារពីការកេងប្រវ័ញ្ចផ្លូវភេទតាមអ៊ីនធឺណិត
៦
មេរៀន
៣
វីដេអូ
៧៥%
សញ្ញប័ត្របញ្ជាក់
+៦ម៉ោង
រយ:ពេល
ខ្មែរ
ភាសា
ទិដ្ឋភាពទូទៅ
ក្នុងវគ្គសិក្សានេះ អ្នកនឹងរៀនពីវិធីអនុវត្តដ៏ល្អបំផុតដើម្បីការពារកុមារពីការរំលោភបំពាននិងការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត។
យើងសង្ឃឹមថា អ្នកនឹងឆ្លៀតពេលដើម្បីសិក្សាវគ្គនេះ ហើយយកព័ត៌មានដែលអ្នកទទួលបានមកអនុវត្តក្នុងជីវិតប្រចាំថ្ងៃ ព្រមទាំងជួយផ្សព្វផ្សាយចំណេះដឹងដល់អ្នកដទៃទៀត ដើម្បីធានាឲ្យបានថា កុមារមានសុវត្ថិភាពរួចផុតពីហានិភ័យនៃការរំលោភបំពាននិងការកេងប្រវ័ញ្ចផ្លូវភេទតាមប្រព័ន្ធអ៊ីនធឺណិត។
តាមរយៈវគ្គសិក្សានេះ អ្នកនឹងតម្រូវឲ្យផ្តោតការយកចិត្តទុកដាក់ទៅលើស្ថានភាពអនឡាញដោយ យល់ដឹងពីផ្នែកផ្សេងៗគ្នា ដែលកុមារអាចប្រឈមទៅនឹងការរំលោភបំពាននិងការកេងប្រវ័ញ្ចផ្លូវភេទតាមអ៊ីនធឺណេត និងស្គាល់ពីវិធីអនុវត្តនូវវិធានការណ៍សុវត្ថិភាពដើម្បីការពារកុមារពីគ្រោះថ្នាក់នៅពេលប្រើប្រាស់អ៊ីនធឺណិត។
តើអ្នកនឹងទទួលបានអ្វីពីវគ្គសិក្សានេះ?
វគ្គសិក្សានេះត្រូវបានបង្កើតឡើងសម្រាប់អ្នកដោយអង្គការសកម្មភាពដើម្បីកុមារ (APLE Cambodia) ដែលជាអង្គការឈានមុខគេមួយក្នុងការប្រយុទ្ធប្រឆាំងនឹងការរំលោភបំពាននិងការកេងប្រវ័ញ្ចផ្លូវភេទលើកុមារនៅក្នុងប្រទេសកម្ពុជាចាប់តាំងពីឆ្នាំ២០០៣មក។
នៅចុងបញ្ចប់នៃវគ្គសិក្សានេះអ្នកនឹងអាច៖
- យល់ដឹង ពីហានិភ័យផ្សេងៗដែលមាននាពេលបច្ចុប្បន្នសម្រាប់សុវត្ថិភាពកុមារតាមប្រព័ន្ធអ៊ីនធឺណិត។
- កំណត់ សញ្ញាណហានិភ័យនៃការកេងប្រវ័ញ្ចផ្លូវភេទលើកុមារតាមអ៊ីនធឺណិត (OCSE) និងដឹងពីរបៀបរាយការណ៍អំពីហានិភ័យ។
- បង្ហាញពីកាតព្វកិច្ចផ្លូវច្បាប់ដែលទាក់ទងនឹងការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត (OCSE) និងយល់ពីការអនុវត្តបច្ចុប្បន្ននៅក្នុងការអនុវត្តច្បាប់។
- បង្ហាញវិធីដើម្បីក្នុងការកាត់បន្ថយហានិភ័យចំពោះកុមារតាមប្រព័ន្ធអ៊ីនធឺណិត។
- អនុវត្តការធ្វើសកម្មភាពឲ្យបានល្អបំផុតដើម្បីធានាថាកុមារមានសុវត្ថិភាពរួចផុតពីការកេងប្រវ័ញ្ចផ្លូវភេទតាមអ៊ីនធឺណិត នៅកន្លែងធ្វើការ និងនៅក្នុងសហគមន៍របស់អ្នក។
តើវគ្គសិក្សានេះត្រូវបានធ្វើឡើងសម្រាប់នរណាខ្លះ?
វគ្គសិក្សានេះត្រូវបានបង្កើតឡើងយ៉ាងពិសេសសម្រាប់អ្នកធ្វើការផ្ទាល់ជាមួយកុមារ ដូចជាគ្រូបង្រៀន បុគ្គលិកសង្គម បុគ្គលិកមកពីអង្គការមិនមែនរដ្ឋាភិបាលដែលជួយដល់កុមារ ឬអ្នកមាន វិជ្ជាជីវៈផ្សេងទៀតដែលមានទំនាក់ទំនងផ្ទាល់ឬដោយប្រយោលជាមួយកុមារតាមរយៈការងាររបស់ពួកគេ។ ទោះយ៉ាងណាក៏ដោយ អ្នកដែលចង់ទទួលបានចំណេះ ដឹងអំពីវិធីធ្វើឱ្យកុមារមានសុវត្ថិភាពពីការរំលោភបំពាននិងការកេងប្រវ័ញ្ចផ្លូវភេទ ត្រូវបានស្វាគមន៍ឲ្យចូលរួមក្នុងវគ្គសិក្សានេះ។
បរិបទនៃវគ្គសិក្សានេះទាក់ទងជាពិសេសទៅនឹងស្ថានភាពនៅក្នុងប្រទេសកម្ពុជា ទោះយ៉ាងណា វគ្គសិក្សាភាគច្រើនទាក់ទងនឹងអ្នកជំនាញមកពីគ្រប់ទីកន្លែងដែលចង់ពង្រីកចំណេះដឹងរបស់ពួកគេស្តីពីការរំលោភបំពាននិងការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត និងរៀនអំពីយន្តការការពារកុមារដ៏ល្អប្រសើរបំផុតទាក់ទងនឹងសុវត្ថិភាពតាមប្រព័ន្ធអ៊ីនធឺណិត។
ប្លង់មេរៀន
ក្នុងមេរៀនេះ
- អ្នកនឹងស្វែងយល់ពីនិយមន័យសំខាន់ៗអំពីការកេងប្រវ័ញ្ចផ្លូវភេទលើកុមារតាមអនឡាញ និងយល់ដឹងពីពាក្យគន្លឹះសម្រាប់ប្រើប្រាស់។
- អ្នកនឹងរៀនពីទម្រង់នៃអំពើកេងប្រវ័ញ្ចផ្លូវភេទលើកុមារតាមអនឡាញ និងដឹងអំពីតើនរណាជាជនល្មើសតាមអនឡាញ។
ក្នុងមេរៀននេះ
- អ្នកនឹងរៀនពីកត្តាដែលដាក់កុមារក្នុងហានិភ័យនៃការកេងប្រវ័ញ្ចផ្លូវភេទ និងពីរបៀបដែលជនល្មើសទាក់ទាញកុមារតាមអ៊ីនធឺណិត។
- អ្នកនឹងរៀនពីអ្វីដែលអ្នកអាចធ្វើបានដោះស្រាយកត្តាហានិភ័យទាំងនោះ និងដើម្បីបង្ការកុមារពីគ្រោះថ្នាក់។
ក្នុងមេរៀននេះ
- អ្នកនឹងយល់ដឹងអំពីរបៀបដែលការកេងប្រវ័ញ្ចផ្លូវភេទប៉ះពាល់ដល់សុខុមាលភាពកុមារ និងសញ្ញាសម្គាល់មួយចំនួនដេលលេចចេញបន្ទាប់ពីការរំលោភបំពាន។
- អ្នកនឹងយល់ពីរបៀបឆ្លើយតប និងអ្វីត្រូវធ្វើនៅពេលកុមារនិយាយប្រាប់អំពីការរំលោភបំបាន។
ក្នុងមេរៀននេះ
- អ្នកនឹងរៀនពីរបៀបអ៊ីនធឺណិតជួយសម្រួលដល់ការប្រព្រឹត្តអំពើកេងប្រវ័ញ្ចផ្លូវភេទលើកុមារ។
- អ្នកនឹងរៀនពីពាក្យសំខាន់ៗទាក់ទងនឹងបច្ចេកវិទ្យាអ៊ីនធឺណិតនិងស្វែងយល់ពីការចែកចាយព័ត៌មានតាមអ៊ីនធឺណិត និងរបៀបដែលជនល្មើសស្វែងរកព័ត៌មានទាំនោះ។
ក្នុងមេរៀននេះ
- អ្នកនឹងរៀនពីក្របខណ្ឌច្បាប់ជាតិនិងអន្តរជាតិ ដែលមានបច្ចុប្បន្នសម្រាប់ដោះស្រាយអំពើកេងប្រវ័ញ្ចផ្លូវភេទលើកុមារតាមអនឡាញ។
- អ្នកនឹងស្វែងយល់ពីកត្តាប្រឈម និងចន្លោះប្រហោងនៃច្បាប់។
ក្នុងមេរៀននេះ
- អ្នកនឹងរៀនពីរបៀបបង្ការការកេងប្រវ័ញ្ចផ្លូវភេទលើកុមារតាមអនឡាញ។
- អ្នកនឹងរៀនពីរបៀបធ្វើការជាមួយអ្នកដទៃដើម្បីបញ្ឈប់ការកេងប្រវ័ញ្ចផ្លូវភេទលើកុមារតាមអនលាញ។
ចុងបញ្ចប់ អ្នកត្រូវបំពេញតេស្តបញ្ចប់ដើម្បីទទួលបានលិខិតបញ្ជាក់ការសិក្សា។