ការពារកូនរបស់យើងពីការកេងប្រវ័ញ្ចផ្លូវភេទតាមអ៊ីនធឺណិត
៤
មេរៀន
២
វីដេអូ
៧៥%
សញ្ញាប័ត្របញ្ជាក់
+៤ម៉ោង
រយ:ពេល
ខ្មែរ
ភាសា
ទិដ្ឋភាពទូទៅ
សូមស្វាគមន៍មកកាន់វគ្គសិក្សាតាមអនឡាញស្តីពី “ការពារកូនៗរបស់យើងពីការកេងប្រវ័ញ្ចផ្លូវភេទលើកុមារតាមអនឡាញ” ដែលរៀបចំដោយអង្គការសកម្មភាពដើម្បីកុមារ!
វគ្គសិក្សានេះត្រូវបានរៀបចំឡើងដោយអង្គការសកម្មភាពដើម្បីកុមារ (APLE Cambodia) ដែលជាអង្គការឈានមុខគេមួយក្នុងចំណោមអង្គការនានាដែលប្រយុទ្ធប្រឆាំងនឹងការរំលោភបំពាន និងការកេងប្រវ័ញ្ចផ្លូវភេទលើកុមារនៅក្នុងប្រទេសកម្ពុជាចាប់តាំងពីឆ្នាំ២០០៣។
ក្នុងវគ្គសិក្សានេះ អ្នកនឹងរៀនសូត្រអំពីសុវត្ថិភាពតាមប្រព័ន្ធអ៊ីនធឺណិត ហានិភ័យដែលអាចកើតមានលើកុមារនៅពេលប្រើប្រាស់អ៊ីនធឺណិត និងវិធីដែលអ្នកអាចការពារកូនរបស់អ្នកឱ្យមានបទពិសោធន៍ដែលប្រកបដោយសុវត្ថិភាព និងសុខុមាលភាពនៅពេលប្រើប្រាស់អ៊ីនធឺណិត។
មានមេរៀនចំនួន៤នៅក្នុងវគ្គសិក្សានេះ ដែលអាចផ្តល់ឱ្យអ្នកនូវការយល់ដឹងដ៏ទូលំទូលាយអំពីវិធីរក្សាសុវត្ថិភាពដល់កូនរបស់អ្នកឱ្យរួចផុតពីការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត។
ក្រោយពីការបញ្ចប់វគ្គសិក្សានេះ អ្នកនឹងទទួលបានវិញ្ញាបនបត្របញ្ជាក់ការសិក្សាដោយជោគជ័យ ប៉ុន្តែរង្វាន់ដែលសំខាន់បំផុតសម្រាប់អ្នកនោះ គឺការកើនឡើងនូវសមត្ថភាពរបស់អ្នកក្នុងការការពារកូនពីគ្រោះថ្នាក់នៅពេលពួកគេប្រើប្រាស់អ៊ីនធឺណិត។
ដើម្បីទទួលបាននូវវិញ្ញាបនបត្រ អ្នកត្រូវបំពេញឲ្យបាន៧០% នៃលំហាត់រំលឹកឡើងវិញអោយបានត្រឹមត្រូវ និង ៧០% នៃការប្រលងវគ្គចុងក្រោយ។
នៅចុងបញ្ចប់នៃវគ្គសិក្សានេះ អ្នកនឹងអាច៖
- កំណត់ពីហានិភ័យផ្សេងៗដែលអាចកើតមានចំពោះសុវត្ថិភាពកុមារតាមអ៊ីនធឺណិត
- កំណត់សញ្ញាណហានិភ័យនៃការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត និងបានដឹងពីរបៀបរាយការណ៍
- បង្ហាញវិធីដើម្បីកាត់បន្ថយហានិភ័យចំពោះកុមារនៅពេលប្រើប្រាស់អ៊ីនធឺណិត
- អនុវត្តវិធីសាស្រ្តល្អៗក្នុងការប្រាស្រ័យទាក់ទងជាមួយកុមារដើម្បីការពារពួកគេពីគ្រោះថ្នាក់តាមអនឡាញ
តើវគ្គសិក្សានេះបង្កើតឡើងសម្រាប់អ្នកណា?
វគ្គសិក្សានេះត្រូវបានរៀបចំឡើងជាពិសេសសម្រាប់ឪពុកម្តាយ ដើម្បីជួយពួកគាត់ឲ្យបានយល់ដឹងអំពីអ្វីដែលកុមារធ្វើតាមប្រព័ន្ធអ៊ីនធឺណិត អាចយល់ដឹងពីហានិភ័យផ្សេងៗដែលទាក់ទងនឹងការកេងប្រវ័ញ្ចផ្លូវភេទលើកុមារតាមអនឡាញ និងធ្វើអោយប្រាកដថាកុមារមានវិធីការពារខ្លួន និងគាំទ្រកុមារដើម្បីឲ្យសកម្មភាពតាមអ៊ីនធឺណិតរបស់ពួកគេមានសុវត្ថិភាព។
ប្រសិនបើអ្នកជាឪពុកម្តាយរបស់កុមារដែលចំណាយពេលរបស់គេច្រើនតាមអនឡាញ មិនថាប្រើប្រាស់ទូរស័ព្ទឆ្លាតវៃរបស់ពួកគេ ថេប្លេត ឬកុំព្យូទ័រនៅផ្ទះរបស់ពួកគេទេ វគ្គសិក្សានេះគឺសម្រាប់អ្នក! តាមរយៈការចូលរៀនវគ្គសិក្សានេះ អ្នកកំពុងតែមានវិធានការណ៍ចាំបាច់ដើម្បីធានាថាកូនរបស់អ្នកមានសុវត្ថិភាពពីគ្រោះថ្នាក់នានាតាមអនឡាញ។
ប្លង់មេរៀន
អ្នកនឹងសិក្សាបួនមេរៀនដូចខាងក្រោម
- សេចក្តីផ្តើម
- ១.១ ការចែករំលែកពត៌មានតាមប្រព័ន្ធអ៊ីនធឺណិត
- ១.២ ការរំលឹកឡើងវិញ
- ១.៣ វេទិកាតាមអនឡាញទូទៅដែលនិយមប្រើប្រាស់ដោយកុមារ
- ១.៤ ការរំលឹកឡើងវិញ
អ្នកនឹងសិក្សាបួនមេរៀនដូចខាងក្រោម
- សេចក្តីផ្តើម
- ២.១ តើអ្វីជាការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត?
- ២.២ ការរំលឹកឡើងវិញ
- ២.៣ ជនល្មើសតាមអនឡាញ និងហានិភ័យ
- ២.៤ ទម្រង់ទូទៅនៃការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត
- ២.៥ ការរំលឹកឡើងវិញ
អ្នកនឹងសិក្សាបួនមេរៀនដូចខាងក្រោម
- សេចក្តីផ្តើម
- ៣.១ ការកំណត់សញ្ញាណនៃការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត
- ៣.២ ការរំលឹកឡើងវិញ
- ៣.៣ ការផ្តល់ការគាំទ្រដល់កូនរបស់អ្នកក្នុងករណីកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត
- ៣.៤ ការរំលឹកឡើងវិញ
អ្នកនឹងសិក្សាបួនមេរៀនដូចខាងក្រោម
- សេចក្តីផ្តើម
- ៤.១ ការគ្រប់គ្រងរបស់ឪពុកម្តាយ
- ៤.២ ការប្រាស្រ័យទាក់ទងប្រកបដោយសុខុមាលភាព និងបើកចំហ
- ៤.៣ ការរំលឹកឡើងវិញ
- ៤.៤ សេចក្តីសង្ខេប
នៅចុងបញ្ចប់នៃវគ្គ អ្នកត្រូវបំពេញតេស្តបញ្ចប់ដើម្បីទទួលបានលិខិតបញ្ចាក់ការសិក្សា។