យើងផ្តល់តម្លៃចំពោះភាពជាដៃគូ ពីព្រោះការប្រយុទ្ធប្រឆាំងនឹងការរំលោភបំពាន / ការកេងប្រវ័ញ្ចផ្លូវភេទលើកុមារទាមទារឱ្យមានដំណោះស្រាយជាសកល។

រដ្ឋាភិបាល: យើងគាំទ្រដល់ភ្នាក់ងាររដ្ឋាភិបាលដែលមានភារកិច្ចការពារកុមារដោយផ្តល់នូវភស្តុតាងដែលមានមូលដ្ឋានលើការយល់ដឹងអំពីបញ្ហាលើអ៊ីនធឺណិត និងជួយពួកគេបង្កើតផែនការសកម្មភាពដោយផ្អែកលើភស្តុតាងនៃការការស្រាវជ្រាវដើម្បីដោះស្រាយបញ្ហាការកេងប្រវ័ញ្ចផ្លូវភេទលើកុមារតាមប្រព័ន្ធអ៊ីនធឺណិត។

• សង្គមស៊ីវិល: IHC ចែករំលែកព័ត៌មានអំពីនិន្នាការនៃការកេងប្រវ័ញ្ចផ្លូវភេទលើកុមារជាមួយអង្គការសង្គមស៊ីវិលដទៃទៀតនៅក្នុងប្រទេសកម្ពុជានិងអន្តរជាតិ និងសម្របសម្រួលការបញ្ជូនករណីដែលពាក់ព័ន្ធនឹងអ៊ីនធឺណិត។
• ឧស្សាហកម្មអ៊ីនធឺណិត: យើងគៀងគរប្រតិបត្តិករអ៊ីនធឺណិត(ISP) អ្នកគ្រប់គ្រងគេហទំព័រ អ្នកផ្តល់មាតិកា ។ល។ ឱ្យចូលរួមក្នុងសកម្មភាពសិក្សាតាមរយៈការសន្ទនានិងសិក្ខាសាលាដែលពួកគេអាចបង្កើនការយល់ដឹងអំពីហានិភ័យនៅលើអ៊ីនធឺណិត របៀបដែលពួកគេអាចចូលរួមក្នុងការបញ្ឈប់បញ្ហា និងអនុសាសន៍ដើម្បីធ្វើឱ្យសេវាកម្មរបស់ពួកគេមានសុវត្ថិភាពសម្រាប់អតិថិជនខ្លួន។
• សាលារៀន: យើងផ្តល់ចំណេះដឹងដល់សិស្សានុសិស្ស គ្រូបង្រៀន និងសមាជិកនៃអ្នកគ្រប់គ្រងតាមរយៈការបណ្ដុះបណ្ដាលនិងសកម្មភាពលើកកម្ពស់ការយល់ដឹងដើម្បីឱ្យពួកគេចេះការពារខ្លួន បង្រៀនសិស្សដទៃទៀត និងអនុវត្តគោលនយោបាយការពារកុមារនៅក្នុងស្ថាប័នរបស់ពួកគេដើម្បីការពារហានិភ័យដែលអាចកើតមាននៅលើអ៊ីនធឺណិត។ ពួកគេក៏ដឹងពីអ្វីដែលត្រូវធ្វើ និងអាចរាយការណ៍បាននៅពេលពួកគេជួបប្រទះរូបភាព និងសម្ភារៈអាសអាភាសកុមារនៅលើអ៊ីនធឺណិត។ 
• ទីភ្នាក់ងារទេសចរណ៍: យើងលើកកម្ពស់ការយល់ដឹងរបស់ពួកគេអំពីការកេងប្រវ័ញ្ចផ្លូវភេទលើកុមារ និងជួយពួកគេបង្កើតដំណោះស្រាយដើម្បីបង្ការលទ្ធភាពនៃការរំលោភបំពាននិងកេងប្រវ័ញ្ចផ្លួវភេទលើកុមារពីការប្រើប្រាស់សេវា។ យើងក៏ផ្តល់ជូននូវដំបូន្មាន និងអនុសាសន៍ដើម្បីលើកកម្ពស់ការការពារកុមារនៅក្នុងអាជីវកម្មរបស់ពួកគេ។