សារសុវត្ថិភាពតាមអនឡាញ
សារសុវត្ថិភាពសម្រាប់អ្នកអាជីប
វាមិនត្រឹមតែអាចការការពារសុវត្ថិភាពផ្ទាល់ខ្លួនប៉ុណ្ណោះទេ អ្នកក៍អាចចែករំលែកវាជាមួយនឹងកុមារ និងជួយការពារពួកគេឲ្យមានសុវត្ថិភាពផងដែរ។
កុមារស្គាល់ និងប្រើប្រាស់កម្មវិធីអ៊ីនធឺណិតជាច្រើនដែលពួកគេចូលចិត្ត ប៉ុន្តែពួកគេមិនបានដឹងពីហានិភ័យផ្សេងៗដែលកើតមានចំពោះពួកគេនោះទេ។ ដូច្នេះសូមបង្រៀនពួកគេឲ្យចេះធ្វើការសម្រេចចិត្តបានត្រឹមត្រូវ។
ព័ត៌មានខ្លះត្រូវបានបង្ហោះដោយកុមារតាមអ៊ីនធឺណិត អាចត្រូវបានគេប្រើប្រាស់ប្រឆាំងនឹងពួកគេវិញ។
នៅពេលដែលកុមារដឹងថាពួកគេនឹងត្រូវគេស្តាប់ ពួកគេនឹងដឹងថាត្រូវមករកអ្នកដើម្បីទទួលបានជំនួយក្នុងករណីមានគ្រោះថ្នាក់។
បើកុមារទុកចិត្តអ្នក ពួកគេនឹងមករកអ្នកនៅពេលពួកគេមានអារម្មណ៍មិនល្អ ឫមានបញ្ហាជាមួយនរណាម្នាក់លើអនឡាញ។
កុមារអាចដឹងពីរបៀបប្រើប្រាស់ឧបករណ៍បច្ចេកវិទ្យា ប៉ុន្តែពួកគេត្រូវការដំបូន្មានរបស់អ្នកអំពីអត្តចរិត និងឥរិយាបទរបស់ពួកគេលើអនឡាញ។
មនុស្សគ្រប់គ្នាដើរតួនាទីយ៉ាងសំខាន់ក្នុងការរក្សាកុមារឱ្យមានសុវត្ថិភាពតាមអនឡាញ។
ត្រូវប្រាកដថាកុមារត្រូវទទួលបានជំនួយជាចាំបាច់។
ខណៈពេលដែលអ៊ីនធឺណិតមានអត្ថប្រយោជន៍ជាច្រើនសម្រាប់កុមារ វាក៏មានហានិភ័យផងដែរ។ ត្រូវប្រាកដថាពួកគេមិនចំណាយពេលច្រើនជាមួយសកម្មភាពតាមអនឡាញ។
បើអ្នកបានដឹងពីករណីរំលោភបំពានផ្លូវភេទតាមអនឡាញ សូមរាយការណ៍ជាបន្ទាន់!
ត្រូវប្រាកដថាអ្នកលើកទឹកចិត្តអ្នកដទៃឱ្យធ្វើដូចគ្នា។
ការរាយការណ៍របស់អ្នកផ្ដល់លទ្ធភាពឲ្យមានការលុបចេញនូវមាតិកាដែលខុសច្បាប់ និងកុមារអាចទទួលបានការសង្រ្គោះនិងសេវាគាំទ្រសមស្រប ខណៈដែលជនល្មើសនឹងត្រូវទទួលខុសត្រូវចំពោះមុខច្បាប់។
ការទប់ស្កាត់វាគឺចាប់ផ្តើមពីការយល់ដឹងអំពីគ្រោះថ្នាក់ និងដឹងពីកន្លែងដែលត្រូវរាយការណ៍អំពីអាកប្បកិរិយាគួរឱ្យសង្ស័យ។
ការការពារចាប់ផ្ដើមពីការយល់ដឹងអំពីគ្រោះថ្នាក់ និងដឹងពីវិធីរាយការណ៍អំពីករណីដែលសង្ស័យ។